Vandag was natuurlik Valentynsdag...  Ek en Wayne het vooraf besluit dat ons niks vir mekaar gaan koop nie want dis net 'n geldmaak storie en mens moet vir mekaar ELKE dag wys hoe lief ons mekaar het.  Maar om eerlik te wees, ek het gehoop dat Wayne darem so bietjie romanties gaan wees en my sal verras, al is dit met ietsie kleins.  Ek was nogal teleurgesteld toe ek vanoggend opstaan en natuurlik was daar geen verrassings vir my nie.  Selfs my ma het my verras met 'n oulike boodskap vanoggend.  Ek het net begin vrede maak met die idee dat ek niks gaan kry nie, toe hy my verras met pink en geel tulpe op die treinstasie vannaand.  Ek het eintlik so lekker gekry dat ek die meisies op die trein kon jaloers maak!